SUCH A PARCEL O' ROGUES IN A NATION

texto e composição - Robert Burns

arranjo - Romulo Viana

coro e violão - Romulo | coro e violino - Márcio-André | coro - Victor | caixa - Antônio | alfaia - Lucas | participação especial, voz - Fátima Santos

Fareweel to a' our Scotish fame,
Fareweel our ancient glory;
Fareweel even to the Scotish name,
Sae fam'd in martial story!
Now Sark rins o'er the Solway sands,
And Tweed rins to the ocean,
To mark whare England's province stands,
Such a parcel of rogues in a nation!

What force or guile could not subdue,
Thro' many warlike ages,
Is wrought now by a coward few,
For hireling traitors' wages.
The English steel we could disdain,
Secure in valor's station;
But English gold has been our bane,
Such a parcel of rogues in a nation!

O would, or I had seen the day
That treason thus could sell us,
My auld grey head had lien in clay,
Wi Bruce and loyal Wallace!
But pith and power, till my last hour,
I'll mak this declaration;
We're bought and sold for English gold,
Such a parcel of rogues in a nation!